زينة تكشف أسرار توأمها: منعوني من ارتداء الملابس المكشوفة
الإثنين 12 يوليو 2021
كشفت الفنانة زينة عن أسرار توأمها زين وعز وسبب رفض ظهورهما الإعلامي حتى الآن، موضحة أن ظهورهم لن يكون مفيداً لهما في الوقت الحالي، وأوضحت زينة ان توأمها بدأوا في التحكم في الملابس التي ترتديها وقراراتها في اختيار الملابس مشيرة إلى أنها تحترم رأيهما للغاية.
وقالت في خلال حوارها مع برنامج "ET بالعربي: "أولادي منعوني مثلا ألبس حاجة مفتوحة عشان دي حتة المفروض محدش يشوفها، وأنا بعلمهم أن جسمهم مينفعش حد يلمسه لأنه بقينا بنخاف على الأولاد زي ما بنخاف على البنات بالظبط".
وأكدت زينة أنها تحترم قرارت أطفالها وتتناقش معهم دائماً فيما يفكرون به ويريدون القيام به، وقالت زينة أنها كانت في السابق من تحدد اتجاه رحلتها، ولكن الأمر الآن أصبح في أيدي نجليها.
وتابعت: "أنا بحترم رأي أولادي وبسمع كلامهم، واللي بيتكلم دايما ويتناقش ويدي أوامر وكده هو زين، واللي مبيتكلمش وبتاع حركات هو عز".
ولفتت إلى أن أطفالها لديهم ميول فنية، موضحة: "ما شاء الله في واحد فيهم صوته حلو أوي معرفش إزاي، واحد بيغني والتاني بيمثل".
ورفضت زينة ظهور طفليها إعلاميا خلال الفترة الحالية وقررت إيقاف تصوير البرنامج بعد اقتحام أحد أطفالها غرفة التصوير، وخاطبتهما وخاطبتهما قائلة: "خشوا على جوه كده على طول، ماتطلعوش بره خالص".
وعلقت زينة أنها ترفض في الوقت الحالي أن يكونوا محط اهتمام خاصة أنه لن يكون مفيداً له بسبب الخلافات والمشاكل التي وقعت بينها وبين والدهم الفنان أحمد عز.
وتابعت: "هما دلوقتي أطفال، خلوهم يعيشوا سنهم، لما يكبروا يبقوا يقرروا يظهروا أو لأ، وفي ناس كتير غيري مش بيظهروا أولادهم، وهما أبوهم وأمهم فنانين، وفي مشاكل حصلت زمان بيني وبين أبوهم وكده، وعشان كده مظنش أن ظهورهم هيبقى مفيد".